Mano pati monté an péyi san chapo, mé nou lé di’w chapo ba pou émision’w éti tout té épi Kréyol-la.
Anlo di Kréyol pa sérié, sé bagay djendjen ba madjendjen i té ké fet yenki pou di vié mo sal anlè manman.
Ou montré ek démontré nou épi kisiswa émision’y ou mété doubout épi RCI, yo té lwen lavérité, kidonk ou té ni plis ki rézon. San fè gwo so_ ou pa té gran parad piti kout baton_ ou sèvi zépon natirel-la pou té pòté enfòmasion ba pep-la, ek fè lédikasion’y.
Épi AVOKA KARAYIB ou aprann nou konnet dwa-nou.
Épi DOKTE KARAYIB ou montré nou manniè otjipé di santé-nou.
Épi MANO NOWEL, sé wou prèmié ki ouvè kantik asou podiom ki fè si gwoup kantik fléri kon fléri-nwel.
Kréyol palé té an gran RCI, gras a wou si jòdi dot radio ka fè an zié-dou ba Kréyol. Asiré sé pas Mano té bay an lanmen.
Nou sèten anlo ké bat lanmen pas ou pa la ankò. Yo pa té sa tann kréyol-la an zorey-yo. Pou yo, anlè radio sé Fransé yo pou palé, alé kon viré, douvan kon dèyè. An pati menm pa lé tann mo Kréyol-la, ki té ké an mo sal.
Sa nou ka espéré sé tout travay-ou pa tounen sann, et tout fos diskotek-ou, yo sa rikonnet trézò-tala. Mé nou lé militan Kréyol ka di’w :
Mèsi amotchay, wélélé,wélélé !
Misié Mano nou ka kriyé’w
Jid
- Se connecter ou s'inscrire pour publier un commentaire
- 40 vues
