"Nou pa ka mayé lé vandrédi ! Sé Djab ki la ! Nou ka mayé lé jédi oben lé sanmdi !"  

   Fi an gwo Bétjé té ka mayé lot jou-a adan an komin li-Sid Matinik lè an bann manifestan anni sanblé alantou légliz-la ek koumansé jouré fi-a, boug-li ek lafanmi-yo.

   Konmva jou-tala té an vandrédi, sé manifestan-an (an twoupo fimel kon dabitid) koumansé djélé anmwé : "Nou pa ka mayé lé vandèdi ! Sé Djab ki la ! Nou ka mayé lé jédi oben lé sanmdi !". Man Dèdet, madanm Ti-Sonson lè zot wè i apwann sa, i koumansé vréyé pié :  

   "Sa vré ki laplipa Bétjé sé séléra ki ka pijé Neg, mé kanmenm-kanmenm ! An plis, ki zafè zot ka mayé lé jédi ek lé sanmdi ésa ? Pres zot tout la, pies nonm pa janmen ofè zot an bag. Sé yich-déwò, yich la-CAF zot ni, kidonk sispann rakonté kouyonnadri !".

   Ti-Sonson pa réponn hak. Li tou, i kont Bétjé ora-kou, mé sa ki pasé la-a, ba'y sa riditjil kité riditjil ka alé. I ralé asou pip-li, i koumansé soukwé tet-li épi i anni ladjé :  

   "Sel jou sé fanm-tala ka mayé sé an tan kannaval. Lè ni mariyaj birlesk..."