Nou, sé Antiyè-a, nou sé vréman moun ki pa ni ayen pou fè !
Sa tris wè sa, mé sé kon sa bagay-la yé malérezman. Kontel zafè Sarkozy vini fè vakans-li atè Gwadloup. Asou sé rézo sosial-la ek sé blog-la, ayen ki di sa moun ka palé. Ka blablaté pito ! Konsidiré nov-tala té ni pies kalté pòtalans ba nou, konsidiré i ni menm valè ki vakabonnajri Izrayel ka konmet san rété an larel Gaza a oben ladjè ka woulé ant la Risi épi l'Ikrèn. Oben zafè Trump ka minasé dépotjolé Bénézwel.
Konpowtasion-nou ka montré ki sa ?
Ki dé sèten adan nou ni an kabech ki flo kon an koko sek, ki dot sé an bann milannè ki enkapab distendjé sa ki sérié di sa ki initil, ki ka bwè tout nouvel kouyon ka kouri asou Entènet konsidiré sé té sinobol toubannman. Nenpot kalté chien san met pé débatjé lakay-nou ek mété kò'y ka ladjé pisa'y asou an piébwa ek lamenm, nou kay kouri asou lé rézo pou matjé an koumantè asou sa. Tjiiiip !
Apré, nou ka vini chigné konkwa kolonialis ka fann fwa-nou...
- Se connecter ou s'inscrire pour publier un commentaire
- 136 vues
10/01/2026 - 00:55
10/01/2026 - 00:54
10/01/2026 - 00:49
Commentaires
Ah le Nèg !
Albè
26/12/2025 - 10:07
...comme disait mon grand-père. Dès qu'un chien pète, il faut qu'il réagisse ! Car bon dieu de bon sang, qu'est-ce qu'on en a à foutre des vacances de Sarko ? Pff !