Yo sitelman megzoklet ki ou pé kwè sé Gaza yo ka viv

       Nou té konpwann sé atè lé Zantiy selman moun ka mò fen afos lavi-a chè.

       Ay kwè sa ! 

       Anni gadé ki manniè Antiyé ki an Fwans ka pwan fè pasé nou ! Anchay fwa plis ki nou, mézanmi. Adan an festival yo kriyé "Batjé abò'y" ki fet nan lavil Toulouz lot jou-a, nou ka wè an boul jenn kapistrel ki ni ayen ki lapo épi zo afos bwet "Vache qui rit"-a ka vann chè adan sé sipéret-la. Menm atè Gaza moun pa ka pwan fè kon sa, ébé-Bondié ! 

       Fok nou lévé an bidim gawoulé kont gouvelman fwansé rasis tala ki ka piyé sésé-nou ek frè-nou. Sa pa posib ! Déja-pou-yonn, annou fè an kolekt pou sa vréyé vitman-présé machandiz ba yo. Anpami sé saché diri ek pwa wouj la, sé bwet kasoulé-a ek sé patjé bisui-a, annou pa bliyé mété fo-kal tou !