79 lanné anlè tet-li mé i ka kouri dèyè an...6è manda !

        Boug blan an ki ka vréyé-monté kon an jenn tibray la (gadé vidéo-a ki anba artik-la) sé Primié Minis Sen-Vensan.

        Ralph Gonsalves ki non'y ek sé an Bétjé (adan an péyi ki endépendan moun pa ni tan pou ped épi zafè koulè lapo !). Dayè, i za éli Primié Minis 5 fwa yonn dèyè lot ek loposion pa janmen vréyé lavwa pou i di ka fè kotjen. Mé laj-la ka monté kon tout moun ek atjèman, Gonsalves ni 79 lanné asou tet-li. 

         Mi anvwala éleksion ka rivé ek misié lé viré-prézanté kò'y olié i pwan an wouspel !

         Sé bagay nou ka wè sé jou-tala toupatou oliwon latè : jénérasion-an ki né ant 1940 ek 1970, ki yo ka kriyé "boomers", pa paré ladjé mòdan pies toubannman. Sa ki pli vié non pli. Mi atè Kaméwoun, Paul Biya, ki ni 93 lanné, fini viré-éli prézidan ! Kantapou Donald Trump, i la ka katjilé pou gadé-wè ki manniè i pé fè an twaziem manda aloski konstitision lé-Zéta-Zini ka di sé anni 2 an prézidan pé fè. 

          Kidonk sa ka woulé la-a ?

          Viékò-power oben ki sa ?