"Ban an di'w on biten kanta'w, vou Ayisien-lasa !"

     Sé asi Facebook vidéo-la ki pi ba la ka sirkilé. 

     On Gwadloupéyen faché davwa i tann on Ayisien di kè sé yo ka ba Gwadloupéyen manjé.

     Si zot vwè Ayisien-la di sa sé ki jod-la, lè ou ay si on marché, laplipa a sé vandè-la sé moun ki sòti Ayiti é sa yo ka vann sé légim kè Ayisien ka travay tè pwodui. Kidonk sa tibwen nowmal kè Ayisien ka di kè sé yo ka ba Gwadloupéyen manjé. 

     Epi sé yo ka koupé kann osi !

     Sé on vérité ki la.

     Diskou-la nou pé tandé si vidéo-lasa danjéré toubolman. I ka sanm menm diskou a Neg l'Afrik di Sid ki sé jou-lasa ka manifesté pou mandé kè Afritjen ki étranjé rètouné akaz a yo.