Maxette Pirbakas, dépité a La Réinion, rèjwenn Eric Zemmour

Rubrique

   Ni telman biten komik ka woulé adan sé ti péyi an nou la (Gwadloup é Matinik) kè dépafwa ou pa savé koté pou met lespri a'w. 

   Sé kon sa Maxette Pirbakas, dépité éwopéyen ka réprézanté la-Gwadloup, désidé enki lagé Marine Le Pen é parti a'y, Rasanblèman Nasional, pou rèjwenn parti a Eric Zemmour, Rèkonket. Prèmié biten ki komik sé lè ou vwè yo entèviouvé Zemmour latélé é kè i déklaré kè "ni onlo fanm" ka vin èvè'y sé jou-lasé é i nomné "dépité a la-Réinion" !!! Yo mandé'y ki non a dépité-lasa é misié pa té kapab réponn. Epi, kon i sé anboug ki malen, i déklaré sé davwa i pè pa savé ki jan pou "pwononsé non a'y". Kidonk, a pa prénon fwansé fok pwan alè, mé fo osi nou adopté non ki fwansé ! 

    Poblem-la sé kè dépité-lasa pa Réinionez mé Gwadloupéyen é non a'y pa telman difisil kon Zemour ka prétann : Pirbakas. Sé on non a Zendien gwadloupéyen. Déziem biten ki komik : Zemour pa sav ki adan non a fanmi zendien an Gwadloup, ni onlo ki...mizilman. Kon pa ekzanp Gadarkan. Sé kè tout Zendien ki vin travay asi sé bitasion a kann-la akonté dè lanné 1853, yo tout-la pa té endouis. Yo tout la pa té ka gloriyé Mayémen é Nagoumira. Dé sèten adan yo ka gloriyé Mahomé osi. Mé kon sé Endouis-la té majorité a Zendien, sé mizilman-lasa pa érisi konsèvé rèlijion a yo. 

   Mi Zemmour ka asepté on moun ki ni orijin mizilman adan parti a'y ki ka vokalizé tout lajouné kont islam ! Pétet lè i ké apwann sa, i ké fou Maxette déhò é a lè-lasa manzel ké oblijé chaché on dot parti politik. Pétet i pé menm vini nasionalis é endépandantis. Kra-kra-kra !

Connexion utilisateur

Commentaires récents

  • ECRIVAINS ET INTELLECTUELS CARIBEENS : « L’HORREUR EN PALESTINE N’EST PLUS SUPPORTABLE »

    EXEMPLE : j’ai connu une dame...

    Frédéric C.

    30/09/2025 - 10:47

    ...issue d’un milieu extrêmement populaire (tante de G-H.Leotin, qui saura de qui je parle). Lire la suite

  • ECRIVAINS ET INTELLECTUELS CARIBEENS : « L’HORREUR EN PALESTINE N’EST PLUS SUPPORTABLE »

    Dommage que le sujet de la phrase du titre...

    Frédéric C.

    30/09/2025 - 07:33

    ...ait un fort parfum d’élitisme: "Écrivains et intellectuels caribéens...". Lire la suite

  • De quel droit se permettent-ils de questionner notre...

    AU MOINS...

    Albè

    30/09/2025 - 07:25

    ...ce site-web, FONDAS, a-t-il l'honnêteté d'afficher le nombre de vues au bas de chacun de ses a Lire la suite

  • De quel droit se permettent-ils de questionner notre...

    Albè, tu veux toujours avoir raison...

    Frédéric C.

    30/09/2025 - 02:41

    ...alors je te laisse avoir raison. Lire la suite

  • De quel droit se permettent-ils de questionner notre...

    "PEP-LA", dis-tu ?

    Albè

    29/09/2025 - 19:23

    170 vues pour l'article que nous commentons. C'est ça "pep-la" ? Laisse-moi rire ! Lire la suite