Mi sé sa yo ka kriyé fanm ki ni grenn !

       Anni gadé vidéo-a ki anba artik-tala ek zot ké konpwann !

      Sa ka woulé adan kapital l'Iran kivédi nan lavil Téhéran ek nou ka wè fanm ka défilé épi tout kalté model zam : fizi, mitrayet, misil kisasayésa...An manniè pou montré lé Zéta-Zini ki pep iranien-an pa pè'y ek ki i za paré pou viré-pwan goumen-an nenpot lè.

      Grand labitid é Ewopéyen-an ek sé Méritjen-an sé voyé labou kont sitiasion fanm atè l'Iran. Silon yo, sé fanm-lan pa ni pies dwa aloski lè nou ka gadé bien ni plis madanm ka fè létid siantifik nan péyi l'Iran ki adan nenpot péyi l'Ewop é l'Anmérik-di-Nò. Dayè primié fanm ki trapé Méday Fields, ki sé ékivalan Pri Nobel Matématik, sé té an Iranièn !

       Sa vré ki yo pa "sexy" épi gran wob nwè-a yo ka mété anlè yo a, men sé dwa-yo ki la. Yo ni dwa mété rad yo lé anlè yo ! Menm manniè sé fanm l'Ewop ek lé Zéta-Zini a ni dwa mété jip kout, pontalon séré oben kòsaj ki gran wouvè asou tété-yo.