Omwens yonn adan yo ki ni grenn !

 Ni an patjé foutbalè arab ka genyen milion lajan adan sé kleb éwopéyen an. Lè nou ka di "milion lajan" sé an manniè pou di etsétéra lajan kivédi sèten adan yo ka genyen adan yon mwa sa an moun ki élektrisien, agrikiltè, chofè lotobis oben enfimié ka genyen apré 10 lanné, si sé pa 15 lanné travay red-mato oben tout lavi'y. Yo tout la, sé mapipi foutbalè arab tala, plis ki sav ki kalté vakabonnajri ka woulé atè Palestin. Yo sav li ! Yo ni powtab, yo ni Entènet, yo ni latélé ek yonndé dwet ka jété an zié asou jounal-papié.

      Mé, djol sé foutbalè-tala fèmen di-kon-klou !

     Yo ka fè wol yo pa oukouran ek yo ka kontinié jwé ti boul-yo konsidiré pep-yo pa té ka pwan bon fè anba misil ek bonm Izrayel. Men, ni omwens yonn ki fè tan réyaji : Mohamed Salah, yonn adan sé pli gran foutbalè arab la, ki sòti nan péyi l'Ejip ek ki ka jwè ba an létjip anglé ki wototo toubannman éti non'y sé Liverpool. Salah pwan anchay tan pou brennen kò'y titak pis sé anni lè an bonbadman dépotjolé pli mapipi foutbalè palestinien an, Suleiman Al-Obeid, i fè tan mété an mésaj asou sa. Al-Obeid té ka fè latjé pou sa trapé an ti-zing manjé lè  bonm-lan tjwé'y, li épi an trantenn moun ki té la jou-tala. Fok sav antouléka ki 230 foutbalè palestinien za ped lavi-yo adan ladjé isalop tala. 

    Mésaj Salah a i vréyé'y ba l'UEFA, owganizasion-an ki met-a-manyok foutbol mondial-la. 

    I mandé yo chaché sav ki manniè Al-Obeid trapé lanmò'y. I pa lonjé dwet asou pèsonn. I pa akizé pèsonn. I té konnet nonm-lan yo té ka sirnommen "Pèlé palestinien an" davwè  non selman i té foutbalè palestinien an ki té pli fò a, mé davwè i té an Neg tou. Lamenm apré mésaj-li a an lavalas kout-jouré ek méprizasion anni dévidé asou sé rézo sosial la pou dérayé Salah. Yo trété'y di "Arab malpwop", di "chien-fè", di "Isalop mizilman" ek menm di "konpè sé téroris-la". Li, Salah, ki swédizan tout sipòté foutbal toupatou asou latè jaja. Wi, yo jaja Salah ! Mé, sifi i wouvè bouch-li pou dénonsé sa ka woulé atè Gaza a pou tout moun-lan, sé menm sipòtè-tala, anni fann tjou'y ! 

    Sé an bel lison ba tout foutbalè arab ek afritjen ka jwé adan sé létjip éwopéyen an !