Sikolog tjilot épi doktores kabann bien jwenn

Annou pa fè wol pa tann !

Sé anni pwan kont-tjè’w kité an ti zig sé mizik aprézan-an dékalbiché dé zorèy-ou, ou ké ni dikwa sav sa ki toudisman.

Pa bizwen fè wouchaj linivèsité Shelchè konstatélaplipa ka palé di menm bagay-la : an mitan dé mòso yonn asou fizi, lot-la asou lajan, ou sé di fanm sé sel lotjipasion sé mal neg chantè nou-an. Mé sé pa pou di sikolog yo tounen sikolog, mé non pa kité lidé fol-tala kalanndé lespri’w pies : yen ki zafè pwofondé sa ki an tjilot fanm ki nan lespri yo !Poudayè, lè sé kalté pawol-tala pwan tan batjé abò, lespri yo ka anni dékadnasé lamenm, tout moun sé Chatobriyan épi Sézè, konsidiré dé ti inosan té touvé papa yo.

Kantapou sé chantez lolobridjida nou-an, eskizé-padon, yo pa pou konnet pwopté ek losionnen pawol yo non plis : sé ansel lapriyè lolo nan bouch yo akwèdi mafoun yo té twapé lafanmin. Mé nan lidé yo sé pa dérespektasion ki la pies, sé an manniè gadé nan zié ek goumen kont nanni-nannan lanné pwofitasion nonm.

Pipirit-chantan jiktan nwè fet, pa ni pies chap, laradjo épi sé rézo sosial-la ka foulé lespri nou épi sé kalté mizik-tala san rété; kifè jodjou, jenn ti kok sirè pasé ayen épi ti friz toupatou sòti nan bouk Gran-Riviè rivé Lésalin-Sent-An konnet tout sé mòso-a patjè, pa mélé chanté yo jik asou ban lékol fè sé métres-la tonbé léta mandé bondié padon, sé pa lafet.

Adan bankoulélé sé mizik-tala, zafè katjilé asou lekzistans oben valè lavi, konpitjasion lémosion oben ladévenn santiman, ladjè toupatou, wè mizè, trakasman lajan oben lavi-akrédi, goumen twapé libèté oben jistis, tousa pa asou kont pèsonn ankò.

Pou-di-vré, konsidiré lentélijans tiré dé pié’y pèsonn pa sav koté, konsidiré mizik modenn ka séré anba lonbraj dé grenn pawol kouyonnad kité kouyon ka alé.