Fout fok an moun obijoul adan bra an lot pou sonmey-la rivé chayé'y kivedi sé pa rédi chez bò tab.
***
Nou té la ka dousiné pas nou enmen kò-nou épi
Chalè karenm-la té ka bat red anlè tet-nou
Lanmen'w té adan ta-mwen an ek
Ou pozé tet-ou anlè bra-mwen
Ou té ka sanm pli bel ti-bébé kréyol anlè latè ek
Man anni tann ou fè bri an chat lè i ka dòmi
Men an moman apré, kokozié'w souri ba mwen épi
Sonmey-la rivé viré chayé'w abo ou té adan bra-mwen
Atjelman ou lévé ko'w ek man pé chanté ti chanson-an ki
Té ka sòti adan fondok tjè-mwen lè man pran tan gadé'w menyen zétwel
An lot soley, sonmey-la key rivé viré chayé'w adan bra-mwen kidonk man key pé viré-koumansé chanté tout lanmou man ni ba'w lè ou key ouvè kokozié'w
Mi sa man la ka espéré pas sonmey-la za rivé
Chayé'w abo ou té adan bra-mwen.
- Se connecter ou s'inscrire pour publier un commentaire
- 20 vues
Roland Dorival et Philippe Pied ("Antilla")
11/06/2025 - 14:17
Nirinasoa Tafita ("Dépêche Taratra")
04/06/2025 - 06:05
30/05/2025 - 13:08
Richard Lea and Sian Cain
30/05/2025 - 13:02