Sé an lodè ka anni tijé bonnè lébomaten lè ou fè tan mété pié'w déwò di lakay-ou.
An lodè ka fè kabech-ou pres tounen-viré konsidiré ou té bwè an pété-pié oben tjek foliba. Lè ou vansé titak, ou ka anni wè atè-a kouvè épi an tilili mango toubannman. Mel bien sanfouté pis sé adan branch piébwa-a yo ka sèvi kò-yo. Ou ka ajounou pou chwézi sé tala ki pli bel la abo ou plis ki sav mango-basiyak pa sitelman bidjoul ki sa.
Mango-basiyak pa ni belté mang-jili a, i pa ni ganm mango-zéfirin la, i pa ni manniè bodzè mang-koko-bef la. I pa menm ni sériozité mango-vè a.
Men, sifi ou trapé'y nan lanmen'w, lodè alkol li a ka voplé'w an senk-sek ek ou blijé fèmen zié'w an fay sikonn. Ou pa ka wè lapo led li a ankò, an sanblaj mak nwè, mak jòn, mak koulè kakodou ki pa ni pies wototo. Alkol-la i ni a, ki grangrek ka kriyé "térébantin", ka anni voplé'w ek lè ou mété basiyak-la nan bouch-ou, an kalté model dousè ka anvayi'w. Ou ka valé yonn, ou ka vaké dé, twa, kat kisasayésa...Ou pé pa koré lapéti'w nan pies kalté manniè !
Lodè mango-basiyak la ka fè'w chonjé lè ou té jenn tibray ka drivé atravè tout mòn. Mòn Létwal, Mòn Karaben, Mòn Kapo, tout sé koté-a éti bet-long lan ka fè wol landòmi pwan'y. Kifè, lè ou ka monté nan pié-basiyak la, fok oblijéman ou véyatif ek lè ou viré-désann atè, fok ou gadé-wè ki koté ou ka mété pié'w tou. Men, anfwa dousè mango-tala ka simayé anlè lang-ou ek andidan goj-ou, ou ka anni bliyé tout bagay.
Asiparé sé anni atè Matinik yo ka jwenn kalté mango-tala. Si zot wè sa vré, enben fok nou di : "Mèsi Lanati ! Mèsi anchay !".
- Se connecter ou s'inscrire pour publier un commentaire
- 255 vues
Commentaires
Excellent texte
Veyative
30/07/2024 - 21:31
Si poétique ! Merci.