Ek lo koudmin plis trant groupaz domoun ou lasosiasion, nout kolèktif i sobat minm po mét anlér kréol dann lékol po in zénéralizasion lamontraz/lansèyman la lang èk la kiltir Larényon. Nout batay néna po soubasman lartik 7 la loi Molac.
Parlfét respé la loi, ni domand lo Rektora fé sak i fo po mèt an plas kom ki fo la Lang èk kiltir rézional èk inn-ér tan dan la somèn po tout bann marmay i sava lékol, kisoi ti lékol, koléj oubyin lisé !
Ek sa, ni oubli pa lo pwinnvizé biling réyoné/fransé : li doi èt in priorité po tout marmay dépi la matèrnèl.
Po mèt anplas tousala, i fo bann nouvo zoriantasion po Lakadémi Larényon. Po sa minm, ni domand in rényon lo CALCR ousa nou va giny propoz in plan po kréol dann lékol. Plan la i di :
– pokosa lansèyman la lang èk kiltir Larényon
– Parkoman mét ali anplas dann lékol primèr, konm dann kolèj lisé,
– bann priorité par nivo/filièr
– Parkoman formé épi informé pou ariv in zénéralizasion
Bann marmay Larényon i mérit bann parkour ousa zot va dékouv épi partaz osi bann zarlor zot patrimoine, zot lang, zot listoir, zot bann tradision. Po tousala osi, lansèyman nout lang èk nout kiltir Larényon lé inportan.
Po lo Kolèktif Lantant LKR, MLK, FSU
- Se connecter ou s'inscrire pour publier un commentaire
- 24 vues
Robert Berrouët-Oriol
30/06/2025 - 20:10
26/06/2025 - 13:29
St-Lucia Times
10/06/2025 - 08:13
08/06/2025 - 20:56
Ti koze ant Jacques Pierre ak Térèz Léotin
09/03/2025 - 09:09