Kouyontiz kité kouyontiz ki la : whatsap, twitter, instagram, snapchat...

   Tansion ! Nou pa ka konfonn an pies kalté manniè Entènet épi sé Liannaj sosial la kontel Instagram.

   Sé pa davwè an avion ek an zibié ka volé ki yo sé menm bagay-la. Sé pa pas an sou-maren ka navidjé anba dlo ki i sé an pwéson. Kivédi Entènet et Liannaj sosial ka sèvi menm zouti-a mé yo toutafetman diféran.

   ENTENET sé an bagay ki jénial, ki mapipi toubannman ek ki itil menm : Google, Wikipédia, E-Mail, Site-Web kisasayésa...

   LIANNAY SOSIAL sé an bagay kouyon kité kouyon ka alé. Sé kouyontiz ki la ! Nenpot moun ka anni vini rakonté nenpot kalté kouyonnad ek tout moun ka anni batjé adan sa san menm éséyé katjilé titak pou sav es sa sérié oben es sé djendjen ki la.

   Kontel zafè voumlélélé-a ki prévwè a kont "lavi chè" akonté 1é septanm lan. Ki analiz ki ni dèyè mouvman-tala ? Ki pwopozision sérié i ni andidan'y ? AN TJOU-PATAT ! I té sifi yonndé gran révolisionnè dapré yo té vréyé an siwawa Whatsap pou mandé pep-la lévé-doubout, men lè ou fè tan jété an zié asou sa, ki sa ou ka wè lamenm ? Dabò-pou-yonn : an rivandikasion ki timanmay kivédi fok machandiz ki ka vann Matinik ni menm pri ki sé tala ka vann... an Fwans lan !!! Konsidiré pa té ni 7.000 tjilomet sa séparé Matinik di la Fwans. Konsidiré ou pa bizwen mété lajan déwò ankò pou Transpò. Bato-a oben avion-an key chayé machandiz fwansé a ba'w jik Matinik san mandé péyé ayen. Ola sé "révolisionnè"-tala za wè sa fet an koté asou latè ? 

   Dézienm bagay ki kouyon adan mouvman-liannaj sosial tala sé ki olié i mandé ki sipèmarché vann plis machandiz matinitjé, machandiz ki pwodui atè Matnik,  i ka mandé okontrè ki sistenm enpowtasion-an kontinié woulé woulé'y ek ki, pa ekzanp, an bwet kamanbè vann menm pri Marsey ek Makouba. Sa sitelman tèbè ki nou blijé mandé nou es sé Liannaj sosial la pa ka rann dé sèten moun pli mouton ki yo za yé.