Tousel an fènwè a sé an ti liv pou tianmay ki ni dé ti tex. I sòti sòti paret lakay KEDITIONS. Non matjè a sé Janlwi Lowenski, é sé prèmié liv i matjé.
Janlwi Lowenski ka mennen nou, asou chimen lékol an tiboug non’y sé Piéwo. Jou tala espésial. Lotobis la Piéwo té ni labitians pran an, pa té vini jwenn sé zélev la.
Lowenski ka fè nou viv ek konprann lapéwozité ki simèjé lespri tibolonm lan, lè i wè soley ka désann fè lorizon gloupé’y, kidonk nwè ka tonbé, chimen pou rantré long, lakay lwen, é tiboug la tousel adan fènwè tala. Mové chans pou’y sé jou tala lespri’y ka pati divadjé, pou fè’y jwenn tout model jan gajé, soukouyan, malfentè, kòbiya lanmò, tout kalté mové vivan lannuit sa séré anba wob li. Jou oswè tala gwo sak li pann an do’y, Piéwo « bay désann kay li, akondi an bef ka alé labatwa », men si pou vré bef la pa ka sav la i ka pran, li Piéwo, asiré i té sav tousa i té ké ni a kontré, pou yo pa sé baré chimen’y.
Lapè ka ba katjil, i pa ka ba solision.
Dézienm tex la, li, sé an kont nou konnet ki ka viré mennen nou jwenn Agoulou wa voras épi Naniwozet. Nou ka ni a katjilé asou bel pawol tala « Lagouloutri sé an maladi ki ka fè’w fouyé fos ou san ou sav. »
Lowenski adan lasosiasion Sanblaj pou fè kréyol lékol, é i prézidan lasosiasion LLKM (Liyannaj pou Lanng Kréyol Matinik). San twop ganm, ni piess lentérésan, é san fè anlo anlo gran blo lantou’y, i simié é i ni rézon konsidéré lanng lan an manniè sèrié.
Tousel an fènwè a/ Agoulou wa voras KEDITIONS jwen 2021
Désen : Auguste-Charlery André
Térèz Léotin
- Se connecter ou s'inscrire pour publier un commentaire
- 269 vues
