Matinik ek Gwadloup sé koté ki ni plis politisien opowtinis. Dirigonflis (yo toujou ka kouri la diri-a ka gonflé) !
Sé kontel pou zafè Ministè Lédikasion Nasional fwansé bliyé oben siprimen an konkou yo ka kriyé "Agrégation de créole". Sé politisien-nou an wouklé, vréyé lavwa ek yo mandé ki Ministè-a viré-mété konkou-a. Men, sé moun-tala pa janmen adan tout lavi-yo di yon sel ti pawol an favè a kréyol. Yo pa janmen fè pies jes, pon aksion, pou pèmet lang zanset-nou ay titak pli douvan.
Kidonk pèsonn pé pa kwè ki yo sensè lè yo vréyé lavwa davwè disparet pwan "Agrégation de créole".
Dépi yo ni an lokazion montré ki yo ka "défann pep-la", yo ka anni soté anlè'y kon chat ki wè an mòso bè, sav yo sav ki anchay moun ka pwan pawol-yo pou lajan kontan. Sav yo sav dépi yo fè tan pasé latélé oben matjé tjek bagay asou sé rézo sosial, laplipa moun paré pou kwè yo malérezman.
Mi sa nou ka di sé politisien dirigonflis tala : "Ay fè an lous pété an nen-zot !".
- Se connecter ou s'inscrire pour publier un commentaire
- 59 vues
Jean-Laurent Alcide
05/10/2025 - 22:51
-
Jean-Laurent Alcide
05/10/2025 - 22:51
-
