An jenn manzel ka katjilé asou lalin

   Fout sa bel wè an jenn ti madanm nègres ki pa ka mété kò'y toutouni asou Tiktok, ki pa ka soukwé baskaré'y (twerker) alé-pou-viré pou fè tout nonm mako trapé falfwet ! Sa ra kité ra ka alé davwè (parce que) tout moun-lan bizwen genyen gwo lanmonné adan an batzié, tout moun-lan lé vini Rihanna oben Beyoncé.

   Enben, ti madanm-tala chwézi an lot chimen menmsi i pé ké janmen pé achté an tilbiri (limousine) oben an bidim kay ki ni douz pies andidan'y. I chézi étidié lastronomi kivédi sa ka pasé anlè tet-nou, sa ka woulé atravè siel-la ek nannan (sujet) liv-li a, sé ti satélit-la ka tounen alantou planet-nou an, Latè. An bel ti bagay won ek jòn ka kléré lannuit épi an dousè estwòdinè ki an tan lontan, moun té enmen gadé. Men dépi, lektrisité paret, konpowtasion-tala anni disparet net-épwop (complètement) : nou pres pa ka jété an zié asou lalin ankò. Dayè, adan sé vil-la, ni sitelman poto lektrisité ki sa vini red toubannman pou wè sa ka pasé anlè kabech-nou kivédi nan siel-la. Sa ka jis jennen astronom ki ka éséyé obsèvé sé planet-la kontel Vénis oben Jipitè !

   Laplipa adan nou konpwann lalin pa ka sèvi ayen, ki sé an boul ka anni kléré kléré'y lannuit épi sé tout. Men, kon jen fanm astronom-tala ka espitjé adan liv-li a, si zot wè tjek jou, lalin pa la ankò, latè ké pwan bon fè. Sa ké povotjé etsétéra bankoulélé (désordre) davwè déja-pou-yonn, lanmaré ké sispann. Lanmaré, kivédi brènman sé loséyan-an ki toutafetman endispansab pou fonksiònman latè. An plis, dot gwo déga ké fet ek a lè-tala, moun pé ké pé viv asou latè ankò.

   Antouléka, an bel woulo-bravo ba jenn fanm-tala éti zot pé trapé liv-li adan nenpot livannri (librairie)