Adan tout péyi asou latè, apa sa ki malad oben enpiok, ni 3 katégori moun :
. moun ka travay.
. moun ki chomè.
. moun ki laritret.
Tout sé moun-tala ka risivwè an lanmonné pou viv chak mwa swa di lantoupriz oben ladministrasion swa di lasirans-chomaj swa di lasirans-ritret. Ek adan sé péyi-nou an ni an 4è model : djobè kivédi moun vayan ka chaché dépri kò-yo kon yo pé chak jou bomaten olié yo ay vòlè bagay lézot.
Mé, nou ka dékouvè sé tan-tala an 5è model ki nou poko té jenmen wè : moun ki pa kay travay lébomaten, moun ki pa chomè, moun ki pa laritret, moun ki pa djobè. Kidonk, nowmalman, sé moun-tala té pou anchien, maléré kon sa ka ékri, megzoklet, abiyé an ranyon, ka mandé chien pen bò lari. Yo pa té pou ni loto ek ankò mwens ni posibilité achté an biyé avion. Sof ki yo pa ka sanm sa pies toubannman ! Yo bien doubout, yo ni bel rad ek "bel" kwafi, yo ka palé fò, yo ka défilé an lari, yo ka jis minasé sa ki pa dakò épi yo. Adan bon grenn kréyol-la, yo ka kriyé sa "moun ka palé gra-épi-épé".
Sa fè, nou blijé mandé kò-nou an ti keksion : di ki sa 5è model moun-tala ka viv ?
Nou pa pli sav.
20.000 vues pour un article qui date de...3 ans, c'est quasiment rien du tout ! Lire la suite
Peut-être ne connaissez-vous pas le sens de ce mot, habitué que vous êtes à tout prendre au premi Lire la suite
On approche donc les 20.000! Mésyé!!! Fout nou bon... Lire la suite
Vous faites tout un développement sur le Grand Remplacement (merci pour les majuscules ,j'appréci Lire la suite
Petite cervelle, va ! Lire la suite