Isenbot !
Timanmay
mi an piti filibo
épi… pé !
Timanmay-la ka pléré ka pléré ka pléré
kon Man Lapli limenm pa janmen pléré.
Timanmay
mi an lot filibo
épi pé fout pé !
Timanmay-la ka pléré ka pléré ka pléré
kon Man Lapli limenm pa janmen pléré.
Vié madanm-lan trapé yan baton lélé...
Krik krak ! vié madanm-lan sé pa an vié madanm
timanmay-la sé pa an timanmay !
filibo-a sé pa an filibo !
Vié madanm-la trapé yan baton lélé épi wap wap wap !
Timanmay-la ka pléré ka pléré ka pléré
kon Man Lapli limenm pa janmen pléré.
Ich kòn ! Mi an lot piti...
Timanmay-la ralé baton lélé-a épi i krazé sa épi...
kon lanm lanmè anba gran van
koutla woch razwè bekmè fizi
DOUBOUT
épi wap wap wap !
Zéklè !
Isenbot !
Madanm filibo-a
sé mwen ki fè’y
filibo-a pa taw
i tamwen !
Vié madanm-la bésé ranmasé mòso baton lélé-a
épi...
épi lafimen chayé’y !
DANIEL BOUKMAN
(In Anba fey 1987)
Les Amérindiens ont résisté énergiquement à l'invasion qui leur était imposée. Lire la suite
Les Amérindiens ont résisté énergiquement à l'invasion qui leur était imposée. Lire la suite
...voici le lien vers la déclaration sur Facebook de Péyi-a concernant le décès de Maryse Condé : Lire la suite
...ont été remplacés par des Européens, puis des Africains qu'ils avaient réduits en esclavage, m Lire la suite
C'est une discipline trop marginalisée qui mérite néanmoins qu'on s'y interesse de près surtout a Lire la suite
Commentaires
Boukman Isenbot
Ace
09/12/2021 - 09:54
Sa ka sanm listwè an ti péyi man konnet. Men ki poko rivé kasé bwalélé-a.