Ki manniè nou pé kontinié admet an vakabonnajri kon sa ?

...ni sa moun ka kriyé lentéré istratéjik sé enpériyalis Loksidan adan Kwasan Fètil la: Israuèl sé jandanm yo dépi 1948, anlè on pwojé koloniyal... Man ka di "sé enpériyalis Loksidan" davwè fòk pa mété tout moun Loksidan adan on menm sak-la: i ni anpil ka mannifesté kont sa Israyèl ka fè-a, avan menm 7 octòb la. I ni Jwif ka goumen kont sé siyonnis la. Jik adan péyi-a yo ka kriyé Israuèl, ni moun ka goumen pou sé Palestinien-a ni on léta ki ta-yo. Kidonk fòk arété di "Loksidan" konsidiré tout moun adan Loksidan ka pansé menm bagay-la, é sa pa on ti détay sémantik... MÈ: sa ki ka pasé la-a, sé on bagay rasis toubonnman. Sé konsidiré lavi on Palestinien "Arab" pa ka vo lavi on Jwif! Israyèl pé krazé 10.000 Palestinien "Arabe", sa pa ka jennen anpil moun adan sé dirijan péyi Loksidan : "C'est pas grave, ce ne sont que des bounioules !" : Mwen fini wè adan télé-a dé jenn boug palestinien ki anrajé, mwen ka konpwann yo. Ay sav si pli ta yo pé kay rayi Israèl, épi on lanvi krazé Léta ta-a, épi tout sé Jwif la, fè atanta épi kisasayésa ! Ay sav! Wi, man dakò épi-w : pli ta pli tris!