Ki sa zot kay fouté nan péyi moun-lan ?

     Neg Matinik ek Gwadloup ni tet red. Sa pa posib !

     Abo yo tout-la ni télévizion, abo yo tout-la ni powtab, abo pres yo tout la kay asou Entènet, anlo adan yo ka kontinié ay Miami oben dot koté adan péyi Donald Trump la. Poutan, yo ka tann ek yo ka wè tout vakabonnajri misié ka fè, soutou épi moun ki pa blan. Dayè, menm lè ou wè ou ni lapo blan ek zié blé, sé manblo Trump la pé fini épi ras-ou kon yo fè'y lot jou-a épi an ti madanm yo ka kriyé Renee Good nan lavil Minneapolis. 

      Sa vré ki Matinitjé ek Gwadloupéyen ni nasionalité fwansé kidonk yo ni dwa antré o Zéta-Zini san péyé pies lanmonné (pou moun la Karayib ek l'Afrik fok vèsé 15.000 dola), mé kisiswa koté-a ou sòti anlè latè, Trump ka ekzijé wè tou sa ou matjé asou rézo sosial, tout teksto ou vréyé, tout artik ou matjé asou an jounal-papié kisasayésa...ek si ou wè ladwàn rimatjé mwenn ti kritik asou'y oben asou politik lé Zéta-Zini, yo ka opozé'w antré, yo ka fèmen adan an lajol ek lè landimen bomaten, yo ka batjé'w abò an avion ek yo ka viré-voyé'y lakay-ou. 

      Ki sa Neg Matinik ek Gwadloup mété atè lé Zéta-Zini ? 

      An tjou-patat ! Ayen menm ! HAK !