Ki yonn ki lot, sé menm bet-menm pwel ba lézot pep asou latè

 Ni an bagay komik adan lanmanniè tout moun asou latè ka suiv éleksion prézidansiel méritjen an. Abo sistenm élektoral yo a konplitjé kon sa ka ékri, sa pa ka dékourajé pèsonn.

 Asou Fesbouk, Whatsap, Instagram kisasayésa..., sé anni ki sa ou pé wè sé jou-tala : es TRUMP ké konsèvé pos-li ? Es BIDEN ké érisi bat li ? Es sisi, es sila ? Ej jou éleksion-an menm, kivédi lè 3 novanm, sé la pou té wè moun ka bat bouch-yo, ka badjolé, ka matjé, ka fè kòmantè, ka vréyé pronostik alé.

 Men, pa yonn adan lo moun-tala pa ka pozé kò'y an ti keksion : es rézilta éleksion méritjen an ké chanjé anbagay ba péyi'y, ba pep-li, adan pwop lavi'y ? Kivédi es ni an diférans sifizanman gran ant sé dé kandida-a pou an Afritjen, an Karibéyen, an Palestinien oben an Zendien espéré kéchoy ki bon ba'y ?

 Moun té za vréyé kò-yo monté anlè primié kou OBAMA té rivé éli, mé ki sa misié fè dé simenn apré i fè tan rantré Lanmézon Blanch : i vréyé 30.000 solda siplémantè an Irak pou sa kontinié fè ladjè ek dépotjolé péyi-tala ki pa janmen fè lé Zéta-Zini ayen. Pli mové : i pa lévé ti dwet-li pou ba sé Palestinien-an an pal ek sé Izrayélien-an kontinié vakabonnajri-yo san rété. Kantapou ladjè ka fet atè Kongo épi lo masak-la, pa menm palé ! OBAMA pa janmen otjipé di sa.

 Kidonk nou blijé tiré an finaldikont di tou sa : Ki TRUMP ki BIDEN sé menm bet-menm pwel ba nou ki pa Méritjen. Ba Méritjen, soutou ba Neg ek Latino, ni an diférans, sé vré ! Mé ba nou pa ni pies kalté diférans.