38ème Maraton lavil Fodfrans paré pou pati anbo lopsion «Bien être durable» pas fok prézèvé santé-a. Ispò ka permet nou tjébé labriz, pas maladi ka gaté vayan.
Mardi nou aprann Polo ki pa té an lanben pies an zafè chanté a, pé ké épi «La PERFECTA» ankò pas i pati monté an péyi san chapo pou alé chanté «La divinité».
Tout moun, pa fanatik «La PERFECTA» selman ka palé di misié éti té ni an vwa estròdinè. Magré polémik, kankan, épi boutdjol asou pa ni bon mizik «LA PERFECTA» san vwa Polo.
An konpè Adjilblè éti ka ogsèvè di mwen:
— Jid, ou sé di sé lè ou mò, yo ka twouvé tout diks ou!
Poutoulbon, dépi an moun kasé pp-li, sé a moman-tala yo ka twouvé tousa i fè di bon. Nou tout sav kanmen dépi an sèten chanté i té fè, Neg kont neg ! Yo pa té ka djè ka lévé’y digad.
Es pas chanté a té ka blésé bobo anlo?
Antouléka «Rayi chien mé di dan’y blan» tout Matinik pé fè an sel bagay: rikonnet nonm lan té ni an brital vwa éti té ka mété tout moun dakò.
Matinik ka ped an gran artis éti tout fanatik «LA PERFECTA» ké kontinié chanté «pèsonn pé pa rifizé tibren lanmou ki ka pasé, si avan ou té ja soufè…».
Gran woul-la ka tounen.
Bon tvavèsé Polo.
Jid
Not pou konprann
Paulo Albin chanteur de la Perfecta s’en est allé.
- Se connecter ou s'inscrire pour publier un commentaire
- 160 vues
Commentaires
Jid, sa vré! Sé lè on mizisiyen ka mò...
Frédéric C.
23/11/2024 - 20:10
...ou ka trouvé tout diks-li, òben yo ka viré enprimé tou sa i fè-a vitman présé! Tout moun ka palé di-y épikisayésa. Lè ou gadé, sé sa ki té fèt lè Mona mò an sètanm 1991... Moun té ja près bliyé sa Mona té pòté, épi BLO!! nou tout la té "sidéré". Jou ta-a, adan on diskotèk Trinité prèmiyé mòsò yo mété sé té "Mwen enmen lavi-a"... É ant komin éti yo fè lanmès ba-y, épi komin éti yo téré-y, man wè moun! moun! moun! té ka atann konvwa-a, pou ba-y on dènié womaj, é pétèt yo ka santi yo koupab ladjé potomitan ta-a. Sé konsidiré sé lè sé solda-a ka mò yo ka dékoré-y! Pff! Sé jenn bway jodi-a ka kouté épi dansé anlè danse hall, ragga épi tou sa ki sòti lakay sé Yannki-a, yo pé pa ni lidé mannyè Perfekta-a té ka fè lajénès lé zanné 70 épi 80 vibré... Nou sé on pèp ki pèd mémwa-a franchman, pou tout bagay : mizik (sòf pou BDK, davwè ni dé moun ki ka bat anlè-y dépi lézanné 60 (Franck Hubert: mèsi), é ni on patjé moun ki té LAGEM apré ki pwan relèv-la), tout goumen sé sendika-a kont sé patwon-an épi kont gouvèlman fwansé pou fè apliké sé la sosial-la (si nou té biyen sonjé sa, té kay bon résistans lè RPPRAC-la di "Sé sendika-a pa bon, yo pa trapé ayen, kdonk attttansiyon sé nou ki la, sa kèy vansé!"; érézman Domota klarifié bagay-la bien komifo!)... An pèp ki pa ni memwa, la i ka alé? Ès i sav limenm la i anvi alé? Òben ès i kon an bèf nenpòt ki pé mennen adan abatwa-a?... Jid, mèsi pou artik-la! Man pa dakò épi-w toujou, mé la ou di dé bagay ki vré, sa touché mwen ! Man ni yonndé vieille LaPerfecta bò mwen, man kay viré kouté yo, sa kay chanjé mwen parapòt a zouk love élektronnik, Daniel, ragga épi tout sé bagay-la ki pa ka fè mwen vibwé...
Sa pa "Daniel" mwen té lé matjé...
Frédéric C.
25/11/2024 - 14:13
...mè "dannsòl".