Lasimenn pasé an pati moun chansé dégéné powtab-yo, lè Joj té ka ponmlen trankil lecha dan an lariviè Lanmanten.
Es sé pou i gadé lévakansié ki sòti an chalè Lafrans-lan?
Es sé pou sé té zagalé sa ki té lé tjébé’y épi konmenm zatrap?
Antouléka, an konpè Adjilbè té tou kontan, pas lè i té di i té wè Joj, yo té ka di i té brè twop, oben i té ka manti. Misié té asiré i té wè Joj té ka chofé soley.
Ni tout kalté kamo té ka alé asou Joj. Kontel an konpè Adjilbè di’y pa ni lontan:
— Sé pa dot ki an mofwazè tjenbwazè ki tounen kokodil, ek kom jou baré’y, i pa ni tan déviré moun. Kidonk i rété kokodil, mé lè lannuit ké pran, misié ké viré pran kanman moun-li!
Man tann tou:
— Joj sé an ti-kokodil éti té adan an akwariom, épi i chapé an jou té ni gwo lapli!
Sa ka fè lontan Joj la, é anlo moun ka pèsékité’y tandik ki i pa ka fè pèsonn ayen. Adan tousa, ni an madanm ki di mwen «Kapon viv lontan» manzel té ni labitid alé maché pabò Lanmanten éti ni an mang, i simié alé pa koté Sentespri, la i asiré i pé ké bité anlè ni Joj, ni Jòjina, ni Jowjet… Sa manzel pa té sav, i té ké bité anlè anlot bet long man ka ka nonmen non’y, pas man pa lé ni an sou kont épi’y.
Jid
Bel poveb kréyol 725
«Ni tout kalté kabriyé pou tranglé chien».
- Se connecter ou s'inscrire pour publier un commentaire
- 129 vues
