Landimen prèmié avril, nou aprann an nouvel kon Siklòn Igo dan la litérati. Ou monté an filao lwen papiyon-an, Lagwadloup, péyi’w. Nou té anvi kwè sé té an vié jé, tjek kouliwou mwa davril. Mé jounalis fè nou chonjé an tjò liv ou matjé ek ou kité ba nou.
Lavil Lapwent pou 90 karenm ou pozé an plak asou kay-la ou wè jou an lanné 1934. Asiré jes-tala fè’w plézi ek fè’w sav yo pa ka bliyé tous ou fè pou yo konnet Lagwadloup dan lèmond antié.
Mèsi Mariz pou kolaborasion pofésionel nou, lè ou asepté épi Edision JASOR vini prézanté liv ou Chelchè ek bokanté ek manmay lékol Lans Madanm alantou « La Planète Orbys » jik atjelman manmay ka chonjé sa.
Mèsi pou té fè mwen konfians ek asepté transbòdaj « Hugo le terrible » ki vini épi Edision Zaboka « Siklòn Igo ». Wou ki té ka di liv ou pa té bizwen tradui an kréyol.
Lo pri litérati ou trapé alantou latè ka montré fos travay ou ek rikonésans ou mérité.
Bon vwayaj prézidant. Pri Nobel Altènatif la pou fè nou chonjé fos travay litérati’w alatou latè.
Mèsi Mariz mèsi, respé épi lonnè. Man Mariz KONDÉ man ka kriyé’w !
Jid
- Se connecter ou s'inscrire pour publier un commentaire
- 163 vues
