Dépi pasé an mwa, moun pa ka risivrè kisiswa let, koli épi fakti. Ni sa éti bien kontan. Kom pa ni fakti, dapré yo poch-yo ka espiré. Yo tibren pli alez pas yo pa ni ayen pou péyé. Kisiswa lenpo, limiè oben dlo.
Mé ni sa ki anrajé kon tig, pas té ka espéré an pies-loto yo koumandé épi Colisimo. Eben sa ka fè an mwa loto-a garé douvan kay-la, i ka mantjé pies-la pou i woulé.
Ni dot sé liv yo té koumandé pou ich-yo pasé legzamen, ében yo brè luil. La Direksion lapos alé douvan tribinal. Yo désidé mandé sé grévis-la débaré. Mé épi tousa rita ki tan moun ké rivé trapé let ek koli-yo?
Bak I.A
Tout jenn manmay pé pa brennen san téléfòn-yo ek l’IA, lentèlijans artifisiel. Eben pou Bak-la lanné-tala kisiswa pou Bakaloréya ek dot legzamen, zafè lòtograf-la sé korektè-a ké pli véyatif. Pé ké ni pasé lanmen asou zafè fot-la ek lo SMS-la.
Pou anlo manmay sa red pas yo pa ka li ni ékri, yo ni bizwen endaj l’IA. Yo simié labizwen tou fet. Mé jou legzamen-an, sa ki pa ni labitid étidjé ké pran bon fè. Sa ki ni mes fenyan pé ké pé sèvi l’IA mé li-a oben kabann-lan. Li-a yo ké ni bizwen an sé pou dòmi. Konsa ki ni labitid dòmi a wonzè’d maten. Li-a fet pou dòmi, yo ké ni a lévé an rev-la pas sosiété-a ka mofwazé.
Jid
Not pou konprann
- L’IA l’Intelligence Artificielle, li-a (le lit).
Bel poveb kréyol 849
«Kabann kochi dòmi dret».
- Se connecter ou s'inscrire pour publier un commentaire
- 9 vues
