Lasimenn pasé sé jandam-la té mobilizé kont an zafè tiraj é sirtou sa yo ka kriyé lotbò: Rodéo. Isi-a manmay la an plis di tiraj, yo ka fè opli kabré moto-yo.
Pli danjéré-a, sé ki sé jennjan-an pa ajen. Anlo ni tet-yo pété épi zeb oben labiè. Jik ni ka woulé épi Despé-yo. Penn initil di zot yo bien sanfouté pa mal kod lawout.
Anlo pa ni respé ba fanmiy-yo jijéwè sa yo ka kriyé «Le respect de l’uniforme». Ni yonn ki jik di an jandam:
— Pran kod-la ek alé pann kò’w!
Antouléka yo sézi dé moto, mé es sa ké fè yo moli ek pran konduit ?
Nou pa djè kwè. Mé érezdibonnè sé pa yen ki mové nouvel ki an péyi-a. Magré jan Lanmanten ka vréyé labou pas yo pa ni dlo ka koulé an wobiné-yo. Menm manniè kon jan Mòn Kapo. Yo toujou mobilizé pas yo pa ka konprann ki yo ka kapté dlo Lakapot dret bò kay yo, ek yo menm pa ni dlo. Anlo anpami yo oblijé ay pran dlo lasous plen épi Klordékòn. Sanmdi yo té mobilizé douvan lizin-an pas dlo dépasé farin.
Sanmdi pa koté Préchè, yo maré pak épi pres twa tòn pa ton mé kouliwou. I fè an chatjaj, kidonk i baré kouliwou-a é i ka alé pran silon dimand rivandez ek kliyan.
Sa ka fè plézi pas lasimenn pasé, pa koté Voklen an ankwakiltè ped tout prodiksion’y épi sargas-la. Pres di tòn pwéson tounen vant-blan pas wawet-la toufé yo.
Manamay man ké fè zot ri, lasimenn pasé an yich an ti-kouzen Adjilbè pa menm konnet chien-fè ankò. Tiboug-la palé di an «chien nu» i pa menm di an chien touni. Vréman vréman fok nou pran pokosion pas nou ni anlo mo kréyol-la ka mawot.
«Pou ou pé an bon moun, fok ou an bon kouyon».
Frédéric C :1) Etrangers non-Européens ne signifie pas forcément non-Blancs :Brésiliens ,Argent Lire la suite
...il est que le FN/RN, dans son PROGRAMME 2017 et 2022, vise EXPLICITEMENT les "Étrangers non-Eu Lire la suite
Les parents de Lino Ventura et d'Yves Montand étaient Italiens comme ceux de Nina Ricci ,de Dalid Lire la suite
T'es si ignare que tu ne sais même pas que les seuls 2 secteurs que le Pouvoir Blanc a laissé aux Lire la suite
Donc si je comprends bien • Angela Bassett, Condolizza Rice, Colin Powell ,Kamala Harris , Karine Lire la suite