Monséyè ka vréyé labou kont bel dada

    Té ni kannaval sé jou-tala atè Sent-Lisi ek tout bagay woulé nawflaw. Pa té ni pies goumen, pies vòlè bagay moun, pies kout fizi. Sé touris-la té jwa kité jwa ka alé ek anlo adan yo fè tan rantré adan sé vidé-a.

     Men, ni an moun ki pa té kontan toubannman : Monséyè Sent-Lisi. I pibliyé an teks pou sa dénonsé zafè fanm ka kouri vidé épi dada-yo déwò. Ba'y sé an kalté dérespektasion ki la, an manniè fè moun tounen kon zannimo ! Initil di zot ki plodari-tala fè tout moun anni pété ri. Davwè dépi ki tan bonda an fanm sé an bagay ki dérespektan ? Di ki dwa labé ni dwa di fanm ki konpowtasion yo pou ni ? Légliz ka opozé yo mayé ek, sof sa ki ni fanm-déwò (ek jis yich-déwò !), sé labé-a pa sav an fanm sé ki sa. Yo pa konnet kò fanm pis yo pa ni dwa menyen'y ! 

    An plis, kannaval sé pa bagay Neg, sé an mes l'Ewop ki yo vini adopté an tan lestravay ek ki yo mofwazé an gou épi lidé-yo. Dépi dé siek é dimi, tout moun la Karayib, ki Babad, ki Trinidad, ki Janmayik, ki Matinik ka kouri vidé ek sa pa janmen jennen pèsonn. Poutji ? Sé davwè sa diré anni 3 oben 4 jou, pa plis. Sé an moman lanné-a éti tout moun, kisiswa krey-sosial yo, ras-yo oben rilijion-yo, ka ladjé, ka mété asou koté tout reg ek lwa ki ka pézé anlè yo. 

    Monséyè, kannaval pa vakabonnajri kon ou ka kwè. Tjenbon tiré !