Sé pli bel bagay limanité ka fè

   Ni anchay moun ka prétann ki wouchach espasial sé an bagay ki initil, ki sé voltijé lajan an razié, ki ni twop moun ka mò fen asou latè pou vréyé astwonot ponmnen adan lespas.

   Sé pawol initil ki la davwè pou an péyi kontel lé Zéta-Zini, wouchach espasial ka rivini a 50 dola pa abitan chak lanné. Anni 50 dola ! Pou l'Ewop sé apochan menm wotè lajan-an. Kidonk zafè ki tou sa sé makayé (gaspiller) lajan pa ka tjenbé doubout. Dézienm argiman-an (zafè madjendjen ka mò fen) pa pli sérié non pli. Poutji ? Davwè sé pa épi ti lanmonné-a sé diféran péyi-a ka mété déwò a pou sa vréyé fizé nan lespas pèsonn ké rivé ba tout moun asou latè manjé. Epi ni twop lajan ka chapé-alé adan zam ek ladjè, koripsion, espow, lanmizik, siléma kisasayésa..., lajan ki té ké pé sèvi pou sa soulajé lanmizè pou vini kritijé wouchah espasial la.

   Chaché sòti andéwò di ti boul blé-a ki sé planet-nou an sé grandè limanité. Nonm sé zannimo men an kalté zannimo toutafetman espésial ki sa palé, ki ka katjilé, ki ka envanté bagay kisasayésa...Sé li yonn ki érisi dékouvè lwa lanati, konpwann lanmanniè linivè ka woulé ek sa nowmal ki i chaché ay jik dèyè do Bondié, jik nan vitjoumakwennn (infini), pou gadé-wè es pa ni dot kréati ka viv adan sé lézot nich-zétwel la (galaxie).

   La-NASA fini ba non sé senk astwonot-la ki kay batjé abò navet espasial ARTEMIS la pou rijwenn bòday lalin. Adan yo ni an Neg ek ni an fanm. Sa bel toubannman ! Sa ka montré ki Neg sé pa moun ki kapab anni ki jwé mizik oben jwé boul ek fanm pa anni fet pou fè yich ek latjuizin. Dayè, nou ka rimatjé, érez-di-bonnè, ki adan zafè wouchach espasial la, sé pep-la, sé péyi-a ka bliyé diférans-yo, ladjè yo pé trapé, vié mes ek labitid yo ni. Méritjen, Ris, Japonè ek Chinwa ka batjé abò menm navet espasial la dépi bon enpé tan ek atjelman sé Neg ek fanm. Sel bagay nou pé di sé WOULO-BRAVO !