YO LA

Yo ka di Matinik sé an péyi fransé. Mwen, man sav sé an kout grenn-dé ki fè jòdijou moun Matinik ni an kat idandité fransé.

Péyi-nou an mantjé vini anglé : dépi 1794 rivé 1802, Matinik té anba jouk Langlitè é sé poutji, adan lang natif-natal nou an, ni dives mo anglé ki tounen kréyol kontel chaspann (from saucepan), kribich (from crayfish), sinobol (from snowbal), pòpot (from puppet), bidjoul (from beautiful), yonn (from one), ded (from dead), mèyè (from may be), pouchin (from pussy), tou (from too), tré (from tray)....

Adan bway lang kréyol Matinik, asiré pa pétet ni anlo mo fransé padavwè sé Fransé ki, lanné 1635,  mété lanmen anlè péyi-a... Ni dives mo sé zanset afritjen nou an pòté éti yo tounen kréyol kontel moun, zonbi, soubawou, soukougnan, lota, java, maklouklou, kalalou, toloman, ladja, bonda, agoulou, bankoulélé, tjouboum ! tjip ! soubawou, moudong...

Ni dé-o-twa mo lang tamoul la nonm ek fanm Lisid Lend menmen épi yo : kolbou, chèlou, masalé, mandja, vadé, pawoka, pousari, matalon...

Lang kréyol la sé akwèdi an bel migan ; adan bel migan-tala, ni eksétéra zépis, zépis norman, brèton, fransé... zépis afritjen, anglé, tamoul, pangnol (matadò, espéré, kòkòdò, katjopin, flòkò)

Mé ni an zagré ki la menm si anlo moun pa sav i la...Annou kouté pou tann épi, lè nou tann, sé chonjé fodré nou sonjé non dives koté kon Makouba, Jénipa, Akajou, Karbé, Ajoupa-Bouyon ; non kontel mabi, gayak, akoma, balata, zikak, mouben, karapat, woukou, kasav, jijib, zannanna, kachibou, mòlòkoy, kawann, pripri, sisi, kayali, pipirit, kouliwou, watalabi, lanbi, boutou, kwi. kalen... yo tout la, sé tras pep kalinago atè Matinik.

Non piébwa, non bet a plim, non bet a pwel, non bet an dlo... tout sé non-tala sé sé Kalinago-a (lakolonizasion kriyé yo Karayib) ki kité yo ba nou avan sé kolon fransé a masakré yo, lanné 1658.

Lè mò pa  mò ba moun  ki pa ka viv kon moun mò. Matinik, léritaj kalinago sé pa an lafimen van chayé. Ansipozision ou sa gadé bien gadé, ou sa kouté bien kouté, ou andwa tann, ou andwa wè yo la men si yo pa la : YO LA palakoz sé yo ki fondasé joupa-a nou ka kriyé jòdi MATNIK