Kisiswa rézilta sé éleksion dépité-a sanmdi ka vini a, atè ti péyi Matinik, sé ké menm bet-menm pwel : sé 4 dépité-a ki ké riprézanté nou adan Lasanblé nasional fwansé a, sé ké ayen ki nonm.
Dayè, sé 8-la ki ka fè kous-kouri pou 2è lawonn-lan, sé ja ayen ki nonm !
Koté sé fanm-lan pasé ? Poutji sé parti politik Matinik la pa ka pòté mannev pou sa vréyé fanm douvan ? Poutji yo simié vréyé ayen ki nonm ek péyé lanmann-lan ki lalwa ka prévwè a ? Sitiasion-tala pa nef pies lè nou ka fè tan gadé listwè politik Matinik. Dayè, si nou ka fè an siparézon épi Gwadloup ek Guiyàn, atè Matinik nou pa janmen trapé an fanm politik ki rivé wotè Lucette Micheaux-Chevry oben Christiane Taubira.
Es sa lé di ki nonm Matinik pli matchis ki nonm Gwadloup ek Guiyàn ? Silon dé sèten istorien ek sosiolog, esplikasion-an sé ki Matinik rété an sosiété...bétjé. Sa sa lé di ? Ki sikti sosiété-nou an pa chanjé, pa mofwazé an pwofondè, ki i toujou kontinié woulé menm-parey abo lestravay vini aboli. Kon nou sav, sosiété bétjé a sé an sosiété ki matchis. Fanm bétjé pa ka djè sòti di lakay-yo, yo pa kay palé laradio oben latélé. Yo ka rété tout lavi-yo adan lonbwaj mari-yo.
Enben, Neg, Milat ek Zendien Matinik adopté menm model, menm larel matchis tala san menm ki yo konsian di sa ! Dayè, sa ki pli red la, sé ki yo pa menm konsian di konpowtasion matchis yo a. Yo ka touvé toutafetman nowmal ki Matinik kay vréyé 4 dépité nonm adan Lasanblé nasional fwansé a.
Tout moun ka mandé kò-yo poutji labstansion wo kon sa Matinik, poutji 80% élektè simié rété bò kay-yo olié yo ay voté. Es sé pa davwè fanm pa kay voté pis fanm Matinik pres pa janmen ni an bon plas adan sosiété-nou an ? Pétet sé sa tou...
- Se connecter ou s'inscrire pour publier un commentaire
- 161 vues
23/12/2025 - 13:56
23/12/2025 - 13:53
21/12/2025 - 08:09
