Jédi pasé nou té ni vizit an minis pandan twa jou. Ni an moun ki di:
— Es Karenko ka ri kò Matinitjé plen épi Klorédékòn?
Antouléka, misié déklaré:
— I ka rikonnet imiliasion yo fè moun atann aprochan trant lanné, pou di yo alafen, i tro ta pou réklamé!
Misié té ké menm di:
— «La réparation par l’action est le meilleur remède!»
Si réparasion sé méyè rimed, li ki la an non Léta, poutji limenm pa ka mandé Léta réparé?
Adan périod kannaval-la nou yé a, sa vré anlo group ka fè vidé toupatou pou éséyé bliyé vakabonajri-tala.
Mé menmsi Karayib Groov, Flelch Banbou oben dot group fè Foyal Parad, fok atoutfos trouvé an parad pou zafè «non-lieu-tala» dit.
Pas trop moun malad, ni tjò moun enpiok épi kansè, trop ti-anmay ka né dépotjolé pou nou asepté sa dou kon siwo.
Ni manmay an Frans magré frédi-a, té sanblé pa koté Nation pour dénonsé vakabonajri-tala.
Antouléka nou lé kwè minis-la ké pé di gouvelman lè i déviré, matinitjé pé pa dakò pies toubannman épi désizion séléra sé jij-la.
Fok atoutfos yo pòté rimed pou moun pa tonbé malad ankò épi an tet pété, lestonmak dérayé dan an péyi abazoudi.
Jid
Bel poveb kréyol 697
«Pran tan-an kon i ka vini, pran lézom kon yo yé».
- Se connecter ou s'inscrire pour publier un commentaire
- 137 vues
