Es pas kannaval ka vini?
Es pas ka fè tro fret sé jou-tala?
Antouléka ni an zafè radar ka brilé alé viré chario. Sa ki lanmod sé barbèkiou radar. Sé an ti-jé yonndé moun, ka fè nou pa sav si jénes oben moun pli mi. An konpè Adjilbè di’y:
— Sé dé ak ti-vis ki té ka fè sa pas yo pa asepté drapo blé blan wouj-la!
Adjilbè di’y:
— Ak ti-vis, pa ni vis pas yo ka respekté drapo-yo. Drapo-yo la dépi L’OJAM épi Tòtòw ek lé lanné swasant. Yo pa bizwen koukou’w pou chwézi. Kidonk dapré misié sé pa pé yo, ka fè an vakabonajri konsa.
Anlot moun di sé an vié jé i ki la é sé sa ka péyé lenpo ké péyé lé po kasé ek ké pran fè. Pas asiré yo ké viré mété sé radar-la é sé pa dis sou sa ka kouté.
Es ni an Grap Annafè Natirel Ganstè, kidonk an GANG radaris ka fè bagay-tala? Yo jik fè lantjètè vini jik an Frans pou éséyé démélé farin é sann. Yo ka analizé sann-lan pou éséyé rivé mété lapat asou yo.
Es sé pa Vaval ka fè travay-tala? Chak simenn dan an komin ni shoiw.
Es sé pa chalè sé moun-an ka brilé sé radar-la?
Si zot sav fè di mwen!
Jid
Bel poveb kréyol 698
«Lè bab kanmarad-ou ka brilé wouzé ta’w».
- Se connecter ou s'inscrire pour publier un commentaire
- 197 vues
