Lang kréyol ni yonndé mo pou palé di akra. Sé an kalté « beignet » fet épi lédjim kontel (chou, karot…) sé an bagay nou ka manjé jénéralman le vandrèdi-sen.
Asiparé komkidiré lang kréyol ka fè kon an sèvolan i ka mawot. Mé pétet fok nou fè kon kolibri-a pòté pa ta nou, menm si sé an ti-gout dlo nou ka vidé anlè difé éti ka ravajé granbwa langaj kréyol.
Avan Entènet fè tan paret, kivédi avan sé lanné 1990 la, wè an bagay ki matjé an lang kréyol té ra kité ra ka alé. Sitelman ra ki moun pa té ka menm rimatjé sa.
